әуе барлауы құралдары

(Средства воздушной разведки)

әуе барлауын жүргізуде қолданылатын әр түрлі жабдықтары мен қондырғылары бар пилотты және пилотсыз ұшу аппараттары. Барлау мәліметтерін беру уақытына қарай: алынған ақпаратты үздіксіз беруді қамтамасыз ететін құралдар (теле және фототеледидар аппараттары) және ақпаратты өз базасына қайтып оралғаннан кейін алуға мүмкіндік беретін құралдар (фотоаппараттар, радиотехникалық және радиолокациялық қондырғылар, инфрақызыл барлау құралдары) болып бөлінеді. Шетел мәліметтері бойынша, қазіргі кезде 30-300 м. биіктікте 500 м/сек. (1800 км./сағ.) жылдамдықпен ұшатын қанатты ракеталардан барлау жүргізуге мүмкіндік беретін фотоаппараттар жасалуда. Бұл аппараттарда фотоэлектрлік қондырғылардың көмегімен бейнелейтін және диафрагмалайтын автоматты қондырғылар болады.